Нам – 80!

(Працяг. Пачатак у № 44.)
1946-1953 – гады ўзнаўлення народнай гаспадаркі. Людзі, змучаныя вайной, паказвалі прыклады доблесці на працоўным фронце. У гэты час газета аператыўна рэагавала на ўсё новае і перадавое, шмат матэрыялаў друкавалася аб рабоце партыйных і камсамольскіх арганізацый, асвятляліся вынікі сацыялістычнага спаборніцтва ў сельскай гаспадарцы, іншых галінах.
Вось некаторыя загалоўкі публікацый: «Стаханаўцы сталінскага ўраджаю», «Шырэй размах выхаваўчай работы ў камсамоле», «Забяспечым добрую работу кіноперасовак», «Радыёфікацыя калгасаў» і іншыя.
А вось як пісалі ў перадавіцы «Газеты і часопісы ў масы»: «Да заканчэння падпіскі на перыядычны друк на 1953 год засталося зусім мала часу. Задача партыйных арганізацый і паштовых агенцтваў – хутчэй пераадоліць адставанне ў правядзенні падпіскі і паставіць справу так, каб кожны двор калгасніка, рабочага і служачага з’явіўся падпісчыкам на газеты». (Нумар за 30 лістапада 1952 г.).
Як бачна, і тут адчуваецца дух спаборніцтва, руху наперад.
17 мая 1953 года газету падпісвае рэдактар Ф.П.Савін. Пачынаецца яшчэ адзін этап для раёнкі, аб чым вы зможаце пачытаць у наступным нумары.
Матэрыял падрыхтавала Святлана ДЗЯДУШКА.
(Працяг будзе).

Добавить комментарий