«Лепшая хатка для птушак» — конкурс сярод студэнтаў Магілеўскага агралесатэхнічнага каледжа
Кожнай птушцы – па хатцы
У Магілёўскім агралесатэхнічным каледжы штогод праходзіць не зусім звычайны конкурс – на лепшую хатку для птушак. Шпакоўні майструюць у кожнай вучэбнай групе, пры гэтым прытрымліваюцца неабходных параметраў, а яшчэ – праяўляюць фантазію і творчы падыход, у чым мы ўпэўніліся, калі на днях прысутнічалі на падвядзенні вынікаў чарговага такога конкурсу.
Праходзіў ён пад эгідай маладзёжнага грамадскага аб’яднання БРСМ і быў прымеркаваны не толькі да Дня птушак, які мы будзем адзначаць 1 красавіка, але і ўвогуле да масавага прылёту пярнатых.
На ўрачыстай лінейцы дырэктар каледжа Г.М.Маліноўскі ўзнагародзіў пераможцаў конкурсу ганаровымі граматамі. А потым змайстраваныя шпакоўні былі прыладжаны на дрэвы на тэрыторыі вучэбнай установы і ў заасадзе.
…На розныя лады птушкі вітаюць вясну. І няхай у кожнай з іх будзе свая хатка!
Наталля Кулакова.
Фота Алены САВІЦКАЙ.
Глядзець фоторэпартаж мерапрыемства:
