Школьнікі Магілёўскага раёна атрымалі на ІІІ этапе рэспубліканскай алімпіяды 7 дыпломаў і 9 падзячных водгукаў
За цікаўнасць да гісторыі роднага краюРэдакцыяй “Народнай газеты” праведзены рэспубліканскі конкурс «Сем цудаў Беларусі», у якім прынялі актыўны ўдзел жыхары Магілёўскага раёна.
Зусім нядаўна прадстаўнік рэдакцыі ўручыў старшыні райвыканкама Анатолю Дуцько дыплом за далучанасць жыхароў раёна да гісторыі і спадчыны роднага краю, за зацікаўлены ўдзел у інтэрактыўным галасаванні.
Паказалі высокі ўзровень падрыхтоўкі
Завяршыўся ІІІ этап рэспубліканскай алімпіяды па школьных прадметах сярод навучэнцаў устаноў адукацыі. Школьнікі нашага раёна атрымалі 7 дыпломаў і 9 падзячных водгукаў. Чацвёра навучэнцаў будуць прадстаўляць наш раён на рэспубліканскім узроўні. Гэта Лізавета Міронцава, Надзея Багдановіч (абслугоўваючая праца), Варвара Башкірава (грамадазнаўства) – ДУА “Кадзінская СШ” і Кірыл Ларкін (матэматыка) ДУА “Раманавіцкая СШ.
Атрымалі найменне “Народны”
З канцэртнай праграмай перад журы і гледачамі выступіў калектыў мастацкай самадзейнасці “Вербніца” Усходаўскага Цэнтра культуры і вольнага часу. На падставе Пастановы Міністэрства культуры Рэспублікі Беларусь за дасягнутыя поспехі ў развіцці аматарскай мастацкай творчасці, адпаведны мастацкі ўзровень і творчыя паказчыкі, папулярызацыю нацыянальных культурных традыцый, актыўную канцэртную дзейнасць ансамблю народнай песні «Вербніца» (мастацкі кіраўнік Вольга Арцюхова) Усходаўскага Цэнтра культуры і вольнага часу прысвоена найменне «народны непрафесійны (аматарскі) калектыў мастацкай творчасці. Цяпер у раёне налічваецца 10 народных калектываў і заслужаны аматарскі калектыў Рэспублікі Беларусь.
Алег ДЗЯТЛАЎ
