Аб гэтым паведамілі ў Мінлясгасе. Галіновае Міністэрства ўзгадніла гэты дакумент з усімі зацікаўленымі ведамствамі.

Па рашэнню Генеральнай Асамблеі ААН гэты год аб’яўлены Міжнародным годам лясоў. Мэта такога рашэння, прынятага яшчэ ў снежні 2006 года, — падтрымаць намаганні па ажыццяўленню ўстойлівага лесакарыстання ва ўсім свеце. Рэалізацыя плана мерапрыемстваў па правядзенню ў 2011 годзе ў Беларусі Міжнароднага года лясоў будзе садзейнічаць захаванню і прымнажэнню лясных багаццяў, умацаванню аўтарытэту краіны на міжнародным узроўні.

У Беларусі будуць праведзены шматлікія мерапрыемствы з удзелам прадстаўнікоў урада, кіраўнікоў Міністэрства лясной гаспадаркі, навуковых і адукацыйных устаноў, грамадскіх экалагічных і маладзёжных арганізацый. Гэтыя мерапрыемствы дадуць магчымасць абмеркаваць шляхі вырашэння найбольш вострых праблем, з якімі сутыкаюцца работнікі лясной галіны.

Планам мерапрыемстваў прадугледжана весці на працягу года тлумачальную работу сярод насельніцтва, школьнікаў і навучэнскай моладзі па паводзінах у лесе ў час адпачынку і паходу выхаднога дня, прадухіленню лясных пажараў, захаванню біяразнастайнасці.