У рамках рэспубліканскай акцыі «Мы — грамадзяне Беларусі», прысвечанай Дню Канстытуцыі Рэспублікі Беларусь, у зале пасяджэнняў райвыканкама 19 сакавіка адбылася ўрачыстая цырымонія ўручэння пашпартоў юнакам і дзяўчатам — навучэнцам школ раёна.

Выдатнікі вучобы, пераможцы прадметных алімпіяд, актыўныя ўдзельнікі грамадскага жыцця атрымалі першыя і галоўныя дакументы ў сваім жыцці.

У святочным мерапрыемстве прынялі ўдзел: старшыня Магілёўскага райвыканкама Д.Д.Гобараў, начальнік аддзела адукацыі райвыканкама А.Б.Заблоцкі, начальнік аддзела ідэалагічнай работы райвыканкама Л.В.Алекса, начальнік аддзела па справах моладзі А.М.Купцова, старшыня райсавета ветэранаў А.Я.Цароў, начальнік аддзела па грамадзянству і міграцыі Магілёўскага РАУС П.А.Пушкароў, выконваючы абавязкі першага сакратара раённага камітэта ГА «БРСМ» А.У.Строганаў, старшыня Магілёўскага раённага Савета ГА «Беларуская рэспубліканская піянерская арганізацыя » I. А. Сапожнікава.

Гучыць гімн Рэспублікі Беларусь. На відэаслайдах фрагменты гістарычных месцаў і краявідаў роднай краіны.
Віншуючы са значнай падзеяй у жыцці, старшыня Магілёўскага райвыканкама Д.Д.Гобараў адзначыў, што атрымліваючы пашпарт, маладыя людзі становяцца паўнапраўнымі грамадзянамі сваёй краіны з усімі прапісанымі ў Канстытуцыі правамі і абавязкамі. Разам з тым перад моладдзю адкрыты ўсе магчымасці: атрымліваць адукацыю, дасягаць пастаўленай мэты, жыць і пра-цаваць на карысць грамадства.

I вось наступіў самы ўрачысты хвалюючы момант — уручэнне пашпартоў. Лепшыя вучні школ раёна атрымалі першы галоўны дакумент з пажаданнямі і надалей заставацца актывістамі ў грамадскім жыцці і добра вучыцца.

Ад імя ўсіх школьнікаў вучаніца I ДУА «Княжыцкая сярэдняя школа» Марыя Гарбаценка запэўніла прысутных, што заўсёды моладзь будзе цаніць слаўныя традыцыі нашчадкаў, вучыцца на лепшых прыкладах бацькоў і дзядоў. Яна падзякавала кіраўніцтва райвыканкама за клопат і падтрымку, што дазваляе навучэнцкай моладзі развіваць творчыя і інтэлектуальныя здольнасці.

У гэты дзень у зале сабраліся прадстаўнікі розных пакаленняў, ветэраны, моладзь, самыя юныя жыхары раёна. Захоўваючы добрыя традыцыі прыёму ў рады Беларускай рэспубліканскай піянерскай арганізацыі, адбылося ўрачыстае павязванне піянерскіх гальштукаў.

Таксама ў гэты дзень адбылася яшчэ адна значная падзея — прадстаўнікі школ раёна былі прыняты ў рады ГА «Беларускі рэспубліканскі саюз моладзі». Значкі і членскія білеты ім уручылі выконваючы абавязкі першага сакратара РК ГА «БРСМ’ Арцём Строганаў і старшыня раённага Савета ветэранаў А. Я. Цароў.

Начальнік адцзела па справах моладзі А.М.Купцова ўзнагародзіла пераможцаў раённага маладзёжнага праекта «Я з кнігай адкрываю свет!», які быў прысвечаны Году кнігі.

У час мерапрыемства для прысутных прагучалі песні ў выкананні вядомых у раёне салістаў Паліны Бадзеевай і Андрэя Рахманько.

Алег ДЗЯТЛАЎ.
Фота аўтара.