Аграгарадок Кадзіна – мая вёска! Станеш на самы высокі ўзгорак – і перад табою раскрываюцца краявіды Кадзінскай зямлі: віднеюцца ўмела змайстраваныя кубікі – дамы; маленькія клубочкі яблыкаў хаваюцца ў зялёных лістах; нібы стужкі, цягнуцца палі, засеяныя пшаніцаю. Пасярэдзіне вялікага лугу раскінулася незвычайнай прыгажосці возера, па краях яно зарасло кустамі лазы, асакі, а ў цэнтры – люстэрка чыстай вады. Вакол вёскі ланцужкі лесу. Зойдзеш у лес – апынешся ў казцы: што ні крок – цікавая кветка ці казюлька; паляны, усыпаныя грыбамі; звонкія ручаі пераклікаюцца адзін з адным! Ну, як не захапляцца гэтымі жывапіснымі мясцінамі бацькоўскай зямлі?!
Г.У. Кіснічан, педагог-арганізатар
ДУА “Кадзінская сярэдняя школа”.
Дзе б не быў чалавек, куды б ён не ехаў, яму заўсёды хочацца вярнуцца туды, дзе яго сустрэнуць родныя мясціны: рэкі, палі, вулачкі, скверы і паркі. Вось так і ў нас, у Завадской Слабадзе. У цэнтры аграгарадка сустракае ў розных красках восені стары парк, які быў пасаджаны ў дзень палёта Ю.А. Гагарына ў космас, а крыху далей нас прывітаюць казачныя беласнежныя бярозы і малады сквер , які быў закладзены ў гонар 70-ці годдзя Пабеды. Як не любіць такую прыгажосць! І гэта ўсё наша малая радзіма!
Вадзім Кажамяка, вучань 9 класа ДУА "Хонаўскі НПК ДС-СШ", 14 год.
Алеся Владимировна Барановская, воспитатель дошкольного образования ГУО «Ясли-сад агрогородка Речки»
