«Цудоўны край — мая Беларусь»

У горадзе шмат ёсць прыгожых мясцін,
Гісторыя ў помніках вечна жыве.
Святыні стагоддзяў народ узнавіў —
І музыка зноў над Нясвіжам плыве.
У рамках акцыі “Культурная сталіца Беларусі” у Дасовіцкай сельскай бібліятэцы была падрыхтавана краязнаўчая гадзіна “Нясвіж – культурная сталіца Беларусі- 2012 г.”. Праводзілася яна ў школе, на мерапрыемстве прысутнічалі настаўнікі і вучні 1-8 класаў. Удзельнікі гадзіны пазнаёміліся з гісторыяй горада Нясвіжа, з біяграфічнымі звесткамі прадстаўнікоў магнацкага роду Радзівілаў, разгледзелі ілюстрацыі помнікаў і пабудоў, якія ёсць у сучасным і старым горадзе. Потым вучням была прапанавана віктарына “Гарады Беларусі”. Дзеці былі актыўнымі, даказалі, што добра ведаюць сваю Радзіму.

Мы ганарымся тым, што у нас ёсць такія цудоўныя, прыгожыя мясціны, як Нясвіж, і будзем далей вывучаць гісторыю краіны.

Алена АБРАМОВІЧ,
бібліятэкар Дасовіцкай СБ.

Добавить комментарий

Ваш e-mail не будет опубликован.