Каб бацькоўская мова непаўторнаю кветкай цвіла…

Мы, вучні 9 “А” класа Кадзінскай сярэдняй школы Магілёўскага раёна, вельмі любім сваю родную мову, спрабуем размаўляць на ёй і ў школе, і дома. Падабаецца нам выступаць з літаратурна- музычнымі кампазіцыямі, спектаклямі, у якіх гучаць пяшчотныя беларускія словы, спрабуем складаць і свае вершы.

Мовай сваёй ганаруся
Гучна, магутна, ласкава, яскрава
Гучыць беларуская мова дзяржавы.
Пахне чаборам мова радзімая,
Звонкая, шчырая, усімі любімая.
Красуйся, жыві і квітней, Беларусь!
Мовай сваёй я заўжды ганаруся!
Станіслаў Петрусёў.

“Слаўся, зямлі нашай светлае імя!”
На прасторах спадчыны мілай,
Нашай з табой і нашых бацькоў,
Размаўляць па-беларуску
Кожны з нас заўсёды гатоў.
І так радасна ўсім, так прыемна,
Што мова жыве, не забыта нікім,
“Слаўся, зямлі нашай светлае імя”, —
Разам спяваем родны нам Гімн.
Анастасія Янішэўская.

Хай гучаць беларускія словы
Беларуская мова цудоўная!..
Колькі ў ёй цеплыні і пяшчоты!
Нібы матулечка родная,
У сэрцы сыноў і дачок ты.
Мілагучная, прыгожая, вольная,
Вобразная, шчырая, свабодная,
Яркая і непаўторная,
Адзіная мова народная!
Хай гучаць беларускія словы
У нашых з табою размовах,
З тэлеэкранаў і кніг,
У песнях тваіх і маіх.
Аляксандра Кашырына.

Добавить комментарий

Ваш e-mail не будет опубликован.